Kontrata e Sigurimit Funeral

Sigurimi për dërgimin e kufomës në vendlindje përmes Shërbimit Funeral AMShimi.

Shkarkoni kontratën Na kontaktoni

Çfarë ju ofron ky sigurim?

Bën përgatitjen e të gjithë dokumentacionit përkatës për të vdekurin.
Larjen dhe qefinosjen e kufomës sipas parimeve dhe rregullave islame, në mënyrë të organizuar nga personeli i Shërbimit Funeral AMShimi.
Faljen e namazit të xhenazes me imam.
Transportin e kufomës nga Zvicra deri në vendlindje.

Rregullorja

Për rregullimin, përgatitjen dhe transportimin e kufomave të anëtarëve dhe familjarëve të tyre që janë anëtarë në xhaminë tuaj.
Të gjitha xhamitë që duan të përfitojnë nga ky sigurim që ofron Shërbimi Funeral AMShimi duhet t’i plotësojnë kriteret për aplikim, që të lidhet një marrëveshje për dorëzimin e një liste të anëtarëve — me emra, mbiemra dhe adresa — në mënyrë që Kontrata e Sigurimit të jetë sa më e plotë.
Të gjithë anëtarët që duan të anëtarësohen në Shërbimin Funeral AMShimi, por xhamia ku janë anëtarë duhet paraprakisht të depozitojë kontratën e mëparshme të sigurimit funeral nëse keni qenë të siguruar, për të pasur të drejtën e anëtarësimit të plotë për sigurim funeral.

Si mund të bëheni pjesë e sigurimit që ofron Shërbimi Funeral AMShimi?

Për të gjithë anëtarët të cilët janë të anëtarësuar në Shërbimin Funeral AMShimi, në rast vdekjeje kryhet gjithçka e nevojshme, nga larja e xhenazes deri te dërgimi në vendlindje, në pajtim me parimet dhe rregullat islame.
Së pari duhet të jeni anëtar i ndonjërës prej xhamive dhe parapagues i rregullt në atë xhami, sepse Shërbimi Funeral AMShimi para së gjithash është projektuar për të ndihmuar xhaminë dhe për të lehtësuar procedurat dhe ceremonitë e varrimit të të vdekurit.
Xhamia e cila është anëtarësuar në Shërbimin Funeral AMShimi është e obliguar të bëjë pagesën vjetore prej 50 CHF për çdo anëtar, në veçanti ose në emrin e organizuar.
Që nga dita kur bëhet pagesa, janë të siguruar burri, gruaja dhe fëmijët deri në moshën 21 vjeç, dhe përfitojnë të gjitha të drejtat nga shërbimi funeral.
Fëmijët të cilët kalojnë moshën 21 vjeçare dhe janë në marrëdhënie pune janë të obliguar të paguajnë anëtarësinë në xhami, duke përfshirë edhe Sigurimin Funeral prej 50 CHF, në emrin personal.

Cilat shërbime ju ofron Shërbimi Funeral AMShimi në rast vdekjeje?

Organizimin dhe përgatitjen për pastrimin e kufomës sipas dispozitave islame.
Shërbimet administrative në konsullatë, po ashtu edhe ato të autoriteteve zyrtare në Zvicër.
Pagesa dhe transportimi i kufomës bëhet me aeroplan nga Zvicra deri në aeroportin më të afërt, dhe nga aeroporti deri te varrezat e vendlindjes, në mënyrë të organizuar nga Shërbimi Funeral AMShimi.
Përveç transportimit të kufomës me aeroplan, Shërbimi Funeral AMShimi ju ofron një biletë udhëtimi në përcjellje të kufomës, me Economy class.
Nëse ndonjë anëtar i cili ka të drejtë sigurimi funeral vdes duke qenë në pushime në vendlindjen e tij, atëherë anëtarit të familjes i kompensohet bileta e kthimit për Zvicër, por duhet të dëshmohet certifikata e vdekjes.

Sigurimi për vizitorë nga vendlindja

Në qoftë se jeni anëtar i xhamisë, por për vizitë në Zvicër ju vijnë nga vendlindja anëtarët e tjerë të familjes, atëherë duhet të paguani edhe 200 CHF për të shfrytëzuar shërbimet funerale.

Personi kontaktues për Shërbimin Funeral AMShimi është: Emin Mersimi.
E drejta për shfrytëzimin e shërbimeve të Sigurimit Funeral AMShimi fillon menjëherë nga data e regjistrimit, përkatësisht e pagesës në llogarinë tonë.
Kontrata bëhet kolektive ose individuale nga të gjitha xhamitë që dëshirojnë të anëtarësohen në Shërbimin Funeral AMShimi, me kohëzgjatje prej tri (3) vitesh, me mundësi vazhdimi.

Keni nevojë për ndihmë të menjëhershme?

Jemi në dispozicion 24 orë në ditë – 7 ditë në javë

+41 78 825 79 01