Dokumentet e nevojshme

Kemi nderin të marrim përsipër procedurat administrative për ju dhe të kujdesemi për të gjitha dokumentet.

Plotëso autorizimin online Ose shkarkoni dokumentin e autorizimit në format PDF.

Lista e dokumenteve të rëndësishme

Pasaportën ose letërnjoftimin e personit të vdekur.
Për personat e pamartuar ose të mitur: certifikatën zyrtare të lindjes; për shtetasit e huaj kërkohet përkthimi.
Për personat e martuar: gjithashtu certifikatën e lindjes dhe certifikatën e martesës.
Për personat e ve: certifikatën e lindjes dhe certifikatën e martesës, si dhe certifikatën e vdekjes së bashkëshortit/es.
Për personat e divorcuar: certifikatën e lindjes dhe të martesës, si dhe dekretin përkatës të divorcit.
Certifikatën e vdekjes të marrë nga spitali ose mjeku i familjes.
Autorizimin — mund ta bëni online (më shpejt).

Si vijon rrjedha e një funerali dhe transportimi i kufomës?

Me telefon, me shkrim ose në një bisedë personale, falë përvojës sonë në këto momente, do t’ju shpjegojmë në mënyrë të saktë dhe gjithëpërfshirëse tërë procesin e transferimit të kufomës për në vendlindje.

Që të mundemi të planifikojmë transportin optimal, bazuar në dëshirat dhe pritjet e kostos, është shumë e rëndësishme që nga ana juaj të na jepni informacionin e duhur dhe të saktë.

Pasi të na kontraktoni, ne kujdesemi për të gjitha dokumentet e nevojshme — certifikatën e vdekjes nga spitali, certifikatën e vdekjes, certifikatën e transferimit etj. Gjithashtu, me kërkesën tuaj, organizojmë ritualet e përshtatshme fetare dhe transportimin e të ndjerit së pari në shtëpi dhe pastaj në varreza.

Përkundër trishtimit dhe stresit, transporti i kufomës dhe një funeral duhet të organizohen nën presionin kohor.

Ekspertët tanë do t’ju këshillojnë nëse transporti i kufomës duhet të bëhet me makinë speciale ose me aeroplan.

Prandaj është shumë e rëndësishme që të kontaktoni menjëherë me ne, që të fillojmë punën sa më parë me përgatitjen e dokumentacionit dhe procedurave ligjore e doganore për udhëtimin e fundit të të ndjerit, dhe për plotësimin e dëshirës që varrimi i tij ose i saj të bëhet në vendlindje me të gjitha ritet fetare. Jemi në dispozicionin tuaj 24 orë në ditë, pa marrë parasysh festat apo fundjavët.

Rrjedha në pika të shkurtra

1 Bisedë telefonike (apo personale) — shqyrtimi i të gjitha formaliteteve të nevojshme.
2 Plotësimi dhe dërgimi i autorizimit — mund ta bëni online (më shpejt).
3 Marrja e certifikatës së vdekjes nga spitali apo mjeku i familjes.
4 Aplikimi i certifikatës së vdekjes në zyrën e gjendjes civile.
5 Aplikimi i rastit të vdekjes tek autoritetet kompetente.
6 Vizita e një imami për t’i zbatuar ritet fetare.
7 Transportimi i të ndjerit në vendlindje.
8 Bartja e kufomës në varrezat përkatëse.

Keni nevojë për ndihmë të menjëhershme?

Jemi në dispozicion 24 orë në ditë – 7 ditë në javë

+41 78 825 79 01